VOV4.K’ho- Ngai 27/10, tàm Hà Nội, Bộ Nông nghiệp mờ Phát triển Nông thôn bơyai lơh pơrjum pờ tơn tàm internet gùt lơgar tă pơgồp jơnau đơs tàm jơnau rơcang cih rơndap ù tiah sền gàr mờ tơnhàu phan kuơ tàm dà tơngai bơh nam 2021 tus nam 2030, broă wèt sền tus nam 2050. Phan tàm dà là gah lơh sa tờm ngan, geh bơta kuơ dờng ngan tàm bơtàu tơnguh lơh sa dà lơgar, mờ khà lơh geh ngai sơlơ rề ơnàng, lơh geh khà gơguh jơnhua, lơh gơlik bơta kuơ lơh sa dờng.

Jơnau kờñ bal bơh rơndap ù tiah sền gàr mờ tơnhàu phan kuơ tàm dà tơngai bơh nam 2021 tus nam 2030, broă wèt sền tus nam 2050 dê là wèt tus broă gàr niam cồng nha broă lơh tơnhàu gơ jat bal mờ sền gàr, prap gàr, bơtàu tơnguh wơl, bơtàu tơnguh phan kuơ tàm dà, bơtàu tơnguh broă lơh ka kơ̆ kơljap mờ geh kơnòl; sền gàr tiah ơm kis, gơ dờp mờ tam gơl trồ tiah, di mờ jơnau sồr mut gơ rờm bal dunia; sền gàr dà lơgar, sền gàr lơngap lơngai tàm ală tiah dà lềng, bồt bơlàu gơ wèt gơnoar tờm, gơnoar gơnoar tờm mờ gơnoar cribơyai dà lơgar bơh Việt Nam dê.

Cau mblàng K’Duẩn