VOV4.K’ho - Thủ tướng Chính phủ pa geh jơnau pơyoa tus ală Bộ, gah lơh broă dà lơgar “Bè broă tơnguh ală broă lơh jal mhar sơndră mờ crùh ồs sa brê”.

Jơnau sồr geh cih: Chủ tịch Ủy ban Nhân dân ală càr, ƀòn dờng mhar đơng lam, lơh jăt ală broă lơh jal mhar bè tơnơ̆ do: Lơh jăt nền nòn kơnòl atbồ bè broă sơndră mờ ồs sa, crùh ồs sa brê, tơnguh broă sền gròi bè broă sơndră ồs sa, crùh ồs sa brê sền do là kơnòl tờm; Sền wơl mpồl lơh broă, phan lơh broă, khà priă nàng lơh jăk niam gùng dà broă lơh “poan tơn"; tam pà mpồl sền gròi ngai kung bè mang tàm jơh kàl prang; ai ală anih kơrian, sền gròi, drơng gàr tàm ală tiah geh kuơ, ƀuơn gơtìp ồs sa brê, sền gròi nền nòn cau lĭk, mŭt tàm brê di gơlan gơtìp ồs sa brê uă; di tŭ gŏ bă ồs sa, hòi jà mpồl tus bal kơrian mờ gơsơ̆t ồs sa brê tàm tơngai mhar ngan, bañ lời gơtìp ồs sa dờng; pal geh gùng dà broă lơh mờ tŭ lơi kung lơh jăt broă ntrờn làng bol tŭ kờñ; Tơnguh broă lam sồr, bơto bơtê tơnguh uă jơnau gĭt wă, kơnòl tàm broă sơndră mờ crùh ồs sa brê...

Cau mblàng Ndong Brawl