VOV4.K’ho- Mang do, 28/07, Thường trực Mpồl Củ tịc Tổng Liên đoàn Lao động Việt Nam geh jàu khà jờng Nguyễn Văn Linh dơ̆ 3 nam 2022, ai 10 nă kwang bàng Kông đoàn jak ngan in.

Khà jờng Nguyễn Văn Linh là khà jờng dờng màng ngan bơh Tổng Liên đoàn Lao động Việt Nam dê lời ai kwang bàng Kông đoàn ală kấp geh cồng nha jak ngan in, geh uă bơta bơceh lơh, bơceh pa, broă lơh tam gơl pa tàm broă lơh kông đoàn, pơgồp bơnah bơt bơtàu mpồl kông đoàn kơ̆ kơljap, pràn kơl dang, bơt bơtàu anih lơh broă, mpồl lơh sa kă bro, mpồl lơh broă bơtàu tơnguh kơ̆ kơljap, bơt bơtàu rài kông ñân Việt Nam tơngai pa broă lơh sa mờ măy mok tam gơl pa dà lơgar dê mờ mut gơ rờm bal dunia. Nam do khà jờng geh jàu 10 nă kwang bàng kông đoàn pơn rơ jak tàm gùt lơgar in. Dơ̆ jàu khà jờng geh bơyai tàm Hà Nội tàm mang ngai do, 28/07, di ngai tơngkah 93 nam Ngai Kông đoàn Việt Nam dê.

Cau mblàng K’Hạnh