VOV4.K’ho - Ngai do (08/07), kơnòm pơrlòng tàm gùt lơgar mŭt tàm ngai pơrlòng dơ̆ 2, kung là ngai pơrlòng dŭt ndơl bơh dơ̆ pơrlòng jơh bơsram kấp 3 nam 2022 dê. Ƀùi drim, ală kơnòm pơrlòng lơh jơnau pơrlòng tơrgùm bal Khoa họk tự ñiên, ha là khoa họk xã hội, ƀùi mho pơrlòng dà lơgar bơdìh. Ală jơnau pơrlòng do ndrờm lơh jăt broă lơh trăk nghiệm.

Jăt jơnau yal mhar bơh Ƀộ Giáo dục mờ Đào tạo, tàm ngai pơrlòng sơnrờp ngan mờ 2 môn pơrlòng Ngữ văn mờ Toán, khà kơnòm pơrlòng tus pơrlòng ndrờm geh rơlao 99%. Khà kơnòm pơrlòng gơwèt F0 là 79 nă bơh 20 mpồl duh broă pơrlòng. Tàm hơ̆, geh 18 nă kơnòm pơrlòng tus pơrlòng, 61 nă kơnòm pơrlòng ờ tus pơrlòng. Bŭ lah bè hơ̆, neh geh 22 nă kơnòm pơrlòng gơtìp tìs mờ kơrnoăt pơrlòng, tàm hơ̆ geh 05 nă kơnòm pơrlòng cèng mờ kơñao jơnau tàm jơdŭ pơrlòng, 17 nă kơnòm pơrlòng cèng điện thoại tàm jơdŭ pơrlòng. Ờ geh kwang bàng lơi gơtìp tìs mờ kơrnoăt pơrlòng.

Cau mblàng Ndong Brawl