Geh bơyai lơh bơh ngai 9 tus ngai 14/07, tàm càr Thanh Hóa, dơ̆ pơrlòng pờ tơlik jơnau đơs gùt lơgar là broă lơh lơh broă bơh gah pờ tơlik jơnau đơs Việt Nam dê, geh bơyai lơh 2 nam dồ dơ̆, nàng kờñ sền gŏ, jờng rơ ală cau cih, jơnau cih jak ngan bơh ală cau lơh ƀăo pờ tơlik jơnau đơs jơh gùt lơgar dê. Dơ̆ pơrlòng pờ tơlik jơnau đơs gùt lơgar- Ngai chờ bơh ală cau lơh ƀăo pờ tơlik jơnau đơs gam là tŭ tơngai niam nàng ală cau lơh ƀăo, cau sền sơ wì jơnau cih, cau cih jơnau tìp mat lơh kwèng, lùp bơsram, tơnguh uă mờng chài lơh broă.

Dơ̆ pơrlòng pờ tơlik jơnau đơs gùt lơgar dơ̆ 16 geh bơta tus bal bơh 81 mpồl lơh ƀăo geh bal 63 Anih pờ tơlik jơnau đơs- Anih sơñio rùp càr, ƀòn dờng, ală mpồl lơh broă bơh Anih jơnau đơs Việt Nam dê, Anih tờm pờ tơlik jơnau đơs- Anih sơñio rùp Ling klàng làng bol, Kụk mblàng yal Kwang àng làng bol, mờ 380 jơnau cih. Tơnơ̆ dar sền sơ wì geh bơyai lơh tàm càr Tuyên Quang, Mpồl sền sơ wì jơnau cih neh rơ wah 228 jơnau cih bơh 81 mpồl lơh ƀăo dê mut tàm dar lồi dŭt.