VOV4.K’ho- Mang ngai 3/10, Hìu đơs crih Anih jơnau đơs Việt Nam, sồ 58 gùng Quán Sứ, Hà Nội, Mpồl Lĭp sră dà lơgar pơgồp bal mờ Ƀộ Thông tin mờ Truyền thông mờ Anih jơnau đơs Việt nam bơyai lơh dơ̆ jàu khà jờng Sră Dà lơgar dơ̆ 5. Khà jờng Sră Dà lơgar dơ̆ 5 geh 48/57 cau lĭp sră tus bal.

Mpồl duh broă Khà jờng Sră Dà lơgar dơ̆ 5 neh dùl nùs bal jàu khà ai 26 pang sră, ƀộ sră, tàm hơ̆ geh 1 khà A, 9 khà B mờ 16 khà C mờ ală jơnau cih gơwèt 5 gah: Cíñ trị, lơh sa; khoa họk tự ñiên mờ kông nghệ; khoa họk xã hội mờ ñân văn; Văn hoá, văn họk mờ nghệ thuật; Kơnòm dềt. Khà jờng Sră Dà lơgar là khà jờng kấp Dà lơgar geh bơyai lơh pah nam, jàu khà jờng ai ală pang sră, ƀộ sră geh kwơ mờ geh uă tơngume bè bồ tơngoh, bồ tơngoh jak chài, bơta niam, geh gơrềng pràn ngan tus mpồl bơtiàn halà tă pơgồp uă ngan tàm broă lơh ờs mờng, geh mpồl bơtiàn dờp rò, gah kwang bàng jak chài jờng rơ uă tàm ală gah.

VOV Tây Nguyên-Cau mblàng K’Hạnh