VOV4.K’ho- Jăt tơrgùm kờp bơh Ƀộ Giáo zụk mờ Đào tạo dê bè broă lòt bơsram wơl bơh kơnòm bơsram, cau bơsram dờng gùt lơgar dê, kờp tus lồi ngai 07/02, geh 53 tàm kờp jơh 63 càr mờ ƀòn dờng ai kơnòm mầm non mờ kơnòm bơsram kâp dùl in sơnđờm lòt bơsram tơn tàm hìu bơsram bơh ngai 07/02 tus ngai 14/02/2022.

Mùl màl, gah mầm non mờ kâp dùl, geh 63 càr mờ ƀòn dờng neh geh broă rơndăp lơh ai kơnòm bơsram lòt bơsram tơn tàm nhai 02 nam 2022. Tàm kâp bàr, 63 càr mờ ƀòn dờng neh geh broă rơndăp lơh ai kơnòm bơsram lòt bơsram tơn tàm nhai 02 nam 2022. Tàm hơ̆ geh 57 càr mờ ƀòn dờng ai 100% kơnòm bơsram lòt bơsram tơn bơh ngai do 08/02. Kâp pe, 63 càr mờ ƀòn dờng neh ai kơnòm bơsram in lòt bơsram tơn tàm ngai 07/02. Gơwèt mờ kâp đại họk, 100% ală hìu bơsram đại họk neh geh broă rơndăp lơh bơyai lơh bơto bơsram tơn bơh ngai 14/02 tus.

Cau mblàng Lơ Mu K’Yến