VOV4.K’ho- Gờm chờ tơngkah kir sơnrai 91 nam ngai crơng gơs Đoàn Ơruh pơnu Kộng sản Hồ Chí Minh dà lơgar ngai 26/03, mang ngai 23/03, Đoàn Ơruh pơnu Kộng sản Hồ Chí Minh dà lơgar bơyai lơh Dơ̆ jờng rơ kwang bàng Đoàn pơnrơ jak gùt lơgar, jàu Khà jờng Lý Tự Trọng nam 2022 ai kwang bàng đoàn mờ đoàn viên jak ngan gùt lơgar in.

94 nă kwang bàng đoàn mờ đoàn viên jak ngan gùt lơgar geh jàu Khà jờng Lý Tự Trọng là ală kwang bàng đoàn kâp xã geh cồng nha jak ngan tàm broă bơsram, lơh broă, lơh sa, tàm broă lơh đoàn, mờ srơh ơruh pơnu kơnòm pa tàu kơnòm dềt. Tàm hơ̆, 27 nă kwang bàng ala măt là Ƀí thư đoàn kâp kơnhoàl, 49 nă kwang bàng ala măt là Ƀí thư đoàn kâp xã mờ 18 nă kwang bàng ala măt là Ƀí thư Ci đoàn bal mờ 11 nă cau là cau jơi bơtiàn kòn cau dùl êt nă cau, bè: Tày, Thái, Dáy, Mường, H’Mông, Khmer, Mạ.

 Cau mblàng Lơ Mu K’Yến