VOV4.K’ho- Tàm pang sră Bơtơl Bơta gơn kơnờm tơnguh bơtàu câu Á (ADO) nam 2022 geh yal ngai òr (21/07), Ngân hàng tơnguh bơtàu câu Á (ADB) gàr bè ờs jơnau yal lài gơguh lơh sa ai lơgar Việt Nam tàm khà 6,5% tàm nam 2022 mờ 6,7% tàm nam 2023, bè geh yal tàm nhai 4 nam do.

Jăt ADB yal, lơh sa lơgar Việt Nam pơn jăt tai gàr geh tàm khà gơguh, kơnờm mờ kă bro gam geh pờ mồng mờ broă brồ guh wơl mhar rơlao mờ jơnau kờp dŭ bơh gah lơh sa, bơceh lơh, lòt rê tàm lơgar mờ bơcri priă dà lơgar. Bŭ lah khà priă phan kă bro gùt plai ù gơguh uă, tàm hơ̆ uă ngan là khà priă jờu tàm gùt plai ù, geh lơh gơguh bơta kal ke khà priă gơmù, phan kă bro gơguh kas, mơya khà phan sa geh uă tàm lơgar geh dong kờl lơgar Việt Nam tơmù broă gơguh khà priă phan kă bro tàm nam 2022. Jăt mờ hơ̆, ADB kung gàr bè ờs khà yal lài gơguh khà priă phan kă bro lơgar Việt Nam tàm khà 3,8% ai nam 2022 mờ 4,0% ai nam 2023 in.

Cau mblàng Ndong Brawl