VOV4.K’ho - Ngai òr (02/08), Ƀộ Giáo dục mờ Đào tạo geh sră nggal pơyoa tus UɃÑZ ală càr, ƀòn dờng tàm gùt lơgar bè broă lơh jăt broă rơwah ƀiên cế cau pơgru mầm non, phổ thông jăt mờ kơrnoăt sồ 72 bơh Ƀộ Cíñ trị.

Jăt mờ hơ̆, ai lài rơwah cau pơgru ală môn bơsram pa nàng lơh jăt broă bơto phổ thông nam 2018 mờ ai lài broă rơwah cau pơgru mầm non ai ală hìu bơsram mầm non tàm tiah lơh sa mpồl bơtiàn gơtìp kal ke in. Jăt mờ kơrnoăt sồ 72 bơh Ƀộ Cíñ trị, tơngai bơh nam 2022 tus 2026 bơtơl mờr 66 rơbô ƀiên cế cau pơgru, mìng is nam bơsram 2022-2023 bơtơl di pơgăp 28 rơbô ƀiên cế cau pơgru mầm non, phổ thông dà lơgar lơh. Ƀộ Giáo dục mờ Đào tạo sồr ală càr, ƀòn dờng tơrgùm ală broă lơh nàng gàr niam broă rơwah ƀiên cế cau pơgru bè: yal uă bè ƀiên cế rơwah, lơh broă mờ ală hìu bơsram nàng geh khà rơwah, cri bơyai mờ ală gơnoar atbồ xã nàng pơgồp bal tàm broă rơwah di jăt mờ ală môn bơsram di pal mờ jơnau kờñ.

Cau mblàng Ndong Brawl