Tàm dơ̆ bơto pơlam, kwang bàng lơh kơnòl broă sùm, kwang bàng ătbồ mờ mpồl cau pơgru mpồl hìu bơsram kâp bàr bơh 5 càr tiah Tây Nguyên dê neh geh yal tơngĭt jơnau bè bơta trồ tiah lơh aniai tàm lơgar mờ dunia, gùng dà lam lơh jăt, ai tơmŭt jơnau gĭt wă rơcăng lài tam dră mờ trồ tiah lơh aniai, sền gàr tiah ơm kis, tam gơl trồ tiah tàm jơnau bơto ală môn bơsram, broă lơh bơto bơtê ai kơnòm bơsram kâp bàr in, dong ală oh tơnguh uă jơnau gĭt wă rơcăng lài, tam dră wơl mờ tơrmù ƀà rềs àr trồ tiah lơh aniai.

Ồng Nguyễn Huỳnh Quang, Phó Kwang ătbồ Cơldŭ Ătbồ trồ tiah lơh aniai mpồl bơtiàn, Kụk Ătbồ bơtơ̆t rbòng dà mờ rơcăng lài tam dră wơl trồ tiah lơh aniai gơ wèt Ƀộ Nông nghiệp mờ Phát triển Nông thôn đơs là, ală ơdŭ bơto pơlam bè do rơ̆p pơgồp bơnah dong kờl mpồl bơtiàn rơcăng lài tam dră wơl, lơh broă gờñ tềng đăp trồ tiah lơh aniai jăt Broă rơndăp lơh “Tơnguh uă gĭt wă mpồl bơtiàn mờ Ătbồ rềs àr trồ tiah lơh aniai kơnờm tàm mpồl bơtiàn, tus nam 2030” bơh Thủ tướng Cíñ phủ dê kĭ.