VOV4.K’ho- Di tơngkah kir sơnrai 97 nam Ngai sră ƀău kac màng Việt Nam (21/6/1925- 21/6/2022), drim ngai 20/6, mò Lâm Thị Phương Thanh, Ủy viên Đảng dà lơgar, Phó Kwang atbồ Cơldŭ lơh broă Đảng dà lơgar mờ ồng Nguyễn Mạnh Hùng, Ủy viên Đảng dà lơgar, Phó Kwang atbồ Ƀan Tuyên giáo dà lơgar, Ƀộ trưởng Ƀộ Thông tin mờ Truyền thông neh lòt còp mờ nting bơr gờm chờ Anih jơnau đơs Việt Nam (VOV).

Tàm dơ̆ tìp mat, ồng Đỗ Tiến Sỹ, Ủy viên Đảng dà lơgar, Kwang atbồ dờng Anih jơnau đơs Việt Nam pà git, tus tŭ do, Anih jơnau đơs Việt Nam neh là dùl anih mblàng yal jơnau uă bơta mờ 8 gah pờ tơlik jơnau đơs dà lơgar, 16 gah sơñio rùp, 2 ƀău điện tử. Kuơmàng, ală gah bè lơh broă mờ lơgar ndai mờ gah pờ tơlik jơnau đơs dà kòn cau bơh Anih jơnau đơs Việt Nam dê neh dờp geh bơta sền gròi, bơcri priă bơh Đảng, dà lơgar, Cíñ phủ dê. Mờ kung đơs nền, Anih jơnau đơs Việt Nam geh pơn jat tai tơnguh ală cồng nha neh lơh geh mờ pràn kơldang, kơ̆ kơljap rlau, lam lơh jat niam ală kơnòl broă geh Đảng, dà lơgar jàu.

Cau mblàng K’Duẩn