VOV4.K’ho - Ƀộ Văn hoá, Thể thao mờ Zu lịc pơgồp bal mờ ală Ƀộ gơrềng bal nàng geh jơnau bơto pơlam nền nòn bè tơl broă tŭ pờ mpồng nhơl chờ mờ tơlik tàm poh tus. Do là jơnau đơs tờm bơh Phó Thủ tướng ồng Vũ Đức Đam tàm dơ̆ pơrjum bè gùng dà broă pờ mpồng lơh broă nhơl chờ tàm bơta gơdờp, ndrờm bal, ờ do ờ dă, sền gròi geh cồng nha kòp kovid-19, pơgồp bal mờ rơhời brồ guh lơh sa mpồl bơtiàn.

Tàm pơrjum, ala măt ală ƀộ, gah lơh broă dà lơgar neh cri bơyai nền nòn bè tơl broă mờ ring bal gùng dà broă lơh pờ mpồng nhơl chờ dunia bơh ngai 15 nhai 3 nam 2022. Jơnau đơs pơn dŭt tàm pơrjum, Phó Thủ tướng ồng Vũ Đức Đam đơs tờm: Tŭ do tàm nùs nhơm bè ờs pa, gơdờp, ờ do ờ dă, ndrờm bal, sền gròi di tŭ he pal geh kơnòl mhar tus tơl ƀộ, gah lơh broăpal tus bal, jào Ƀộ Văn hoá là anih tờm lơh broă mờ Ƀộ Y tế mờ ală ƀộ geh jơnau bơto sồr nền nòn yal mờ Cíñ phủ ai tơlik kơrnoăt bè broă ai sră Kim ta.

Cau mblàng Ndong Brawl