Lòt pơrjum geh kwang đơng lam bồ Sở Lơh sa mờ măy mŏk mờ kă bro phan mờ lơgar ndai, Anih tờm Hòi jà kă bro phan mờ rlau 60 anih, mpồl lơh sa kă bro, mpồl lơh broă bal, cau jun phan kă bro bơh pe càr dê. Tàm pơrjum, ala măt gah lơh sa mờ măy mŏk mờ kă bro phan bơh pe càr: Dăk Lăk, Sóc Trăng mờ Trà Vinh dê neh yal tơnggĭt ală bơta pràn, bơta ƀươn tàm broă lơh gơlik phan bơh broă lơh sa sươn sre, lơh gơlik phan bơh sươn sre, jơnau kờñ tàm tơrbŏ, rề ơnàng drà kă bro tăc phan ai ală phan bơna tờm ngan bơh tiah he dê. Ala măt ală mpồl lơh sa kă bro, mpồl lơh broă bal kung neh yal tơnggĭt, tam pà bal bè jơnau kờñ tàm tơrbŏ tăc phan bơna.

Kềng dơ̆ pơrjum, mpồl lơh sa kă bro 3 tiah do dê neh ràng tơlik, yal tơnggĭt phan bơna mùl gŏ is, phan bơna pơnrơ ngan; tàm cribơyai jơnau tơl pràn lơh gơlik mờ tăc phan bơna mờ jơnau kờñ lơh bal tăc phan mờ cau lơh broă bal, anih jun phan kă bro, wèt tus cribơyai tàm tơrbŏ pờ ơnàng gĭt kơ̆p kă bro. Di tàm dơ̆ do, geh 29 sră nggal cih kah lơh broă bal pờ ơnàng gĭt gơ̆p kă bro, tăc phan bơna đah ală mpồl lơh sa kă bro, mpồl lơh broă bal mờ cau jun phan kă bro bơh pe tiah dê neh geh kĭ hơ.