Mpồl pơrlòng do geh 10 càr, tàm hơ̆ geh Dăk Lăk, Dăk Nông, Lâm Đồng, Gia Lai, Kon Tum, Phú Yên, Khánh Hoà, Bình Định, Quảng Nam, Quảng Ngãi. Tàm nam 2022, gơguh lơh sa bơh ală càr tàm tiah do ndrờm uă rơlao mờ nam 2021, geh pơnrơ ngan là càr Khánh Hoà gơguh rơlao 22%, Lâm Đồng gơguh rơlao 12%, Quảng Nam gơguh rơlao 11%... Tă tàm kes priă pơn drờm bal bơh ală càr ndrờm geh mờ sơrlèt mờ rơndăp broă geh ai.

Đơs tàm pơrjum, Thượng tướng Trần Quốc Tỏ, Thứ trưởng Ƀộ Kwang àng, drơng broă Mpồl pơrlòng ală càr Tây Nguyên mờ tiah jăt gah dà lềng tàm gùl lơgar sồr, ală càr tàm mpồl pơrlòng pal sền gròi rơlao tai tus mờ broă tơrbŏ bal tiah nàng lơh geh bơta ndrờm bal, ring bal tàm broă tơnguh bơtàu lơh sa ală càr dê. Pal tam gơl pa pràn bè tơngu me broă lơh bơh mpồl dê, gàr niam cồng nha mùl màl rơlao tai, pal tơnguh broă pơgồp bal nền nòn, dong kờl bè broă tơrbŏ bal tam gơl bal broă mờng chài bè tơnguh bơtàu lơh sa đah ală càr tàm mpồl.