Tàm dơ̆ wă, Thủ tướng đơs loh: lơgar Việt Nam gam tàm tơngai lơh pràn nàng bơtàu tơnguh mờ ai jơnau kờñ gơguh lơh sa “bàr sồ” tàm tơngai bơh nam 2026 tus 2030 nàng lơh jăt mùl màl 2 jơnau kờñ: tus nam 2030 là lơgar gam bơtàu tơnguh, priă geh bè ờs uă; mờ nam 2045 là lơgar bơtàu tơnguh priă geh uă.

Den tàng, broă tơnguh uă bơta pràn tàm pơrlòng, bơ̆t bơtàu wơl lơh sa mờ ngui uă ngan ală bơta niam bơh tơrgùm bal lơh sa mờ ală lơgar nàng lơh geh ală jơnau kờñ bơtàu tơnguh kơl jăp là jơnau kờñ kwơ màng ngan. Thủ tướng sồr Cơl dŭ Kă bro phan mờ Lơh sa mờ măi mok lơgar Ñờk, kung bè Anih duh broă Lơh sa lơgar Ñờk – Mekong pơn jăt tai pơgồp bal mờ Ƀộ Priă jền lơgar Việt Nam mờ ală anih lơh broă gơrềng bal lơh anih tơrbŏ lơh pràn bơcri priă bơh mpồl lơh sa kă bro lơgar Ñờk dê, tơnguh uă rơlao tai bơta niam bơcri priă, tơrmù tơngai ai geh bơcri priă, is ồn ngan là pal lơh pràn kơl dang broă tam jào măi mok mờ dong kờl mpồl lơh sa kă bro lơgar Việt Nam tơnguh uă bơta pràn tàm pơrlòng tus bal uă tàm mpồl geh kwơ bơh ală mpồl lơh sa kă bro, tập đoàn dờng lơgar Ñờk dê.