Phó Thủ tướng đơs niam bơta lơh ngan bơh sàh dê, tam pà bal kal ke tềng đap hoàc huơr tài bơh trồ tiah lơh aniai dơ̆ lĕ bal, sồr pơn jat tai sền gròi tus rài kis làng bol, ngan là hìu bơnhă dờp bơta dong kờl bơh mpồl bơtiàn, hìu bơnhă rƀah. Đơs tàm dơ̆ lơh broă, Phó Thủ tướng ồng Hồ Quốc Dũng đơs niam ală cồng nha mờ 2 sàh neh lơh geh; tam pà bal mờ ală hoàc huơr kơn jơ̆ kơn jut ngan tài trồ tiah lơh aniai dơ̆ lĕ bal lơh gơbàn.

Phó Thủ tướng kơp kờñ, gơnoar atbồ mờ làng bol sàh Tuy Phước pơn jat tai đòm jat bơhiàn ƀòn tờm kac màng khin cha jak chài, tơrgùm sền gròi rài kis làng bol in, ngan là ală hìu bơnhă dờp bơta dong kờl bơh mpồl bơtiàn, hìu bơnhă rƀah. Mờ broă tơmut bal càr Gia Lai, gơ gơs càr geh bă ù dờng dơ̆ 2 gùt lơgar, sàh Tuy Phước rơp geh tai uă tŭ niam nàng bơtàu tơnguh tŭ ală gơl gùng lòt kuơmàng lơh gơs, tàm tơrbŏ bal ƀuơn ƀuài mờ tiah drà Quy Nhơn. Di dơ̆ do, mpồl lơh broă lòt còp, pà phan ùr bơklau cau ling sồt să ồng Nguyễn Thanh Mạnh mờ mò Dương Thị Bích Liên mờ mè Việt Nam khin cha jak chài mò Trương Thị Liên.