Tàm sàh Xuân Nha, Pôs đồng ling sền gàr tiah nhàr lơgar Chiềng Sơn pơgồp bal mờ ală mpồl lơh broă bơyai lơh broă lơh “Sơnam pa tiah nhàr lơgar, ram nùs làng bol ƀòn lơgar”, pà phan ai hìu bơnhă rƀah, hìu bơnhă pa lik klàs rƀah, hìu bơnhă cíñ sách mờ kơnòm bơsram in mờ kờp jơh khà priă rlau 900 tơlak đong. Ƀộ trưởng jờng rơ uă ngan nùs nhơm geh kơnòl, bơta pơgồp bal bơh mpồl ling sền gàr tiah nhàr lơgar dê tàm broă sền gròi sa tềp ai Làng bol in, gàr kơ̆ lơngăp lơngai tiah nhàr lơgar.

Di dơ̆ do, mpồl lơh broă neh tus còp, pà phan ai hìu bơnhă mò Đỗ Thị Nghị, tiểu khu 4, sàh Chiềng Sơn, là pơ ùr cau ling chơ̆t màng; còp mờ lơh broă tàm Anih duh broă Làng bol sàh Chiềng Sơn. Mpồl lơh broă Ƀộ Broă lơh sa suơn sre mờ Tiah ơm kis neh jàu pà 30 bơnah phan pà ai 30 hìu bơnhă rƀah, hìu bơnhă cíñ sác, cau lơh broă geh rài kis kal ke tàm sàh Chiềng Sơn, Lóng Sập; jàu pà 500 tơlak đong dong kờl Kes priă tài cau rƀah càr Sơn La.