Tổng Ƀí thư cih dờp, jờng rơ uă ală lơh ngan, cồng nha lơh geh tàm tơngai pa do; đơs sùm broă lam lơh Jơnau lơh nền tàm pơrjum bơh Pơrjum dờng dơ̆ 14 Đảng dê tàm 5 tus 10 nam tus geh gơtha kwuơ màng gơwèt mờ jơnau kờñ 100 nam tơnggơs Đảng mờ lơh geh tơngume wèt tus 100 nam tơnggơs dà lơgar.

Tổng Ƀí thư sồr ƀòn dờng Hồ Chí Minh pơn jat tai đơs nền gơnoar lam lài, lòt lài, lơh krơh niam; lơh ngan ngồn jơnau lơh nền tàm pơrlòng mờ broă lơh lơh broă loh broă, loh kơnòl, loh tŭ tơngai mut lơh; lam lơh geh cồng nha ală jơnau lơh nền tàm pơrjum kwơ màng mờ bơyai lơh geh cồng nha tĕ khà cau ala mat Quôk hội khoă 16, Mpồl duh broă Làng bol ală kấp, gàr niam làng bol lơh tờm, lơngăp lơngai, di mờ adat boh lam. Tổng Ƀí thư sồr ƀòn dờng tơrgùm tă bơsong bơta bơta gơ kòl dờng; tam gơl pràn bè broă lơh, phan bơna bơt bơtàu, mpồl cau lơh broă; tam gơl broă lơh gơguh jat bơta jrô ơnàng; lơh jat geh cồng nha ală broă lơh, broă dong kờl krơi is; hời rơ hời lơh geh ală anih tờm priă jền, logistics, tam gơl pa bơceh lơh geh gơnoar broă tàm tiah do mờ ală lơgar.