Tềng đap huềng Củ tịc Hồ Chí Minh dê, ala mat Đảng ủy Quôk hội mờ ală anih lơh broă bơh Quôk hội dê, Củ tịc Quôk hội ồng Trần Thanh Mẫn neh ki ngàm chu ñàng, kah kơlôi mờ pơnđàng nùs nhơm kah ưn ngài uă ngan tềng đap dà kơl hề dờng màng bơh Củ tịc Hồ Chí Minh dê gơ wèt mờ broă lơh kac màng bơh Đảng mờ jơi bơtiàn dê. 

Củ tịc Quôk hội dan hơ pơrgon, nam 2026 rơp bal mờ Đảng ủy Quôk hội, anih lơh broă Quôk hội lam lơh jat geh cồng nha Jơnau lơh nền tàm Pơrjum dờng cau ala mat dơ̆ XIV bơh Đảng dê mờ kơnòl bơh Quôk hội dê tàm broă lơh crơng gơs adat boh lam, jat sền dờng ngan rlau jơh mờ lơh nền ală broă kuơmàng. Is ồn, rơcang ai dơ̆ tĕ khà cau ala mat Quôk hội khoă XVI mờ Mpồl duh broă Làng bol ală kâp, tơngai lơh broă bơh nam 2026 tus nam 2031 jat nùs nhơm bal, lòt bal mờ Cíñ phủ nàng tă bơsong kal ke, bơta gơ kòl bơh dà lơgar dê tàm tŭ tơngai tŭ do.