Ngai 4/09, tàm uă tiah tàm 3 kơnhoàl tiah kơh bơnơm càr Kon Tum, geh: Đăk Glei, Tu Mơ Rông mờ Kon Plông neh geh mìu. Kờp dŭ lài bơta digơlan gơrềng bơh mìu càl rơbŭt dờng sồ 3 pơn jat tai geh mìu, sơlơ tơnguh tai bơta pơhìn gơlik geh tơrlah ù tàm ù tiah dê, gah bơto bơtê mờ bơsram bal mờ gơnoar atbồ ală kơnhoàl tàm càr Kon Tum neh crăp rcang broă lơh bơyai lơh sơnđờm mut nam bơsram pa tàm bơta geh mìu dờng dà tih. Mpồl atbồ Hìu bơsram ală hìu bơsram sồr mè bèp kơnòm bơsram lời tŭ tơngai jun mờ rò oh kòn lòt tus bal sơnđờm mut bơsram nam bơsram pa nàng gàr niam bơta lơngăp lơngai.

Nam bơsram 2024-2025, càr Kon Tum geh rlau 170 rơbô nă kơnòm bơsram ală kấp bơh kấp mầm non tus kấp pe, tàm hơ̆ geh rlau 45 rơbô nă kơnòm bơsram bồ kấp. Nàng ngai sơnđờm mut nam bơsram pa 5/09 ngan ngồn là Ngai chờ jơh gùt làng bol jun kơnòm dềt lòt bơsram, bơh bồ nhai 8, Sở Bơto bơtê mờ bơsram càr Kon Tum neh tơlik mat 6 mpồl, lòt sền broă lơh rcang ai nam bơsram pa tàm jơh ală hìu bơsram tàm 10 kơnhoàl, ƀòn dờng tàm càr dê.