Sơnđờm mut pơrjum, Củ tịc Quôk hội ồng Trần Thanh Mẫn đơs loh: 10 jơnau rcang cih adat geh tă pơgồp jơnau đơs tàm pơrjum do gơwèt uă gah broă geh mpồl bơtiàn sền gròi, bè Adat Kông đoàn (tam gơl); Adat priă dia gơguh tai (tam gơl); Adat phan lời wơl niam chài (tam gơl); Adat Rơndăp ù tiah tiah drà mờ rơndăp ù tiah ƀòn lơgar, Adat rcang lài kơryan ồs sa mờ crùh ồs sa mờ dong kờl cau gơtìp rềs àr.

Củ tịc Quôk hội is ồn đơs ngan, Ƀộ Cíñ trị pa ai lơh jat Jơnau sồr sồ 178 bè gròi sền gơnoar pràn rcang lài kơryan sa kuề sa kuà mờ bơta ờ niam tàm broă lơh lơh adat boh lam, sồr ală kwang bàng tàm Anih duh broă Lơh kơnòl broă sùm Quôk hội tơngŏ loh làng nùs nhơm, jơnau đơs bơh he dê, ờ gŏ pleh ală tơngume ƀuơn gơtìp aniai, ƀuơn gơlik geh sa kơñau broă dong kờl. Mơkung pà gĭt bồ nam 2025 rơ̆p bơyai lơh dơ̆ pơrjum cribơyai adat boh lam, nàng cribơyai jrô rlau tai, nền nòn rlau tai nàng kờñ tơnguh uă bơta niam, mut lơh broă ngan ngồn tàm broă lơh lơh adat boh lam.