Nting bơr gờm chờ 99 nam ngai sră ƀău Kac màng Việt Nam, kwang đơng lam bồ ală anih lơh broă, mpồl lơh broă neh pơyua ală jơnau nting bơr niam bơnĕ ngan rlau jơh tus mpồl kwang bàng, kwang đơng lam bồ mờ cau cih ƀău, cau cih jơnau đơs đos, cau drơng măi, cau lơh broă bơh Anih jơnau đơs Việt Nam dê. Kwang atbồ dờng Anih jơnau đơs Việt Nam ồng Đỗ Tiến Sỹ pà git, Anih jơnau đơs Việt Nam gam geh ală bơta tam gơl pràn ngan nàng lơh Anih jơnau đơs Việt Nam gơ gơs anih lơh ƀău tờm ngan, uă bơta ƀău, uă gah yal tơnggit jơnau, uă bơnàng jă, uă dà đơs gơ gơs là anih mblàng yal jơnau pràn khà dùl bơh dà lơgar dê, geh bơngă pin dờn tàm pal kơnhoàl ù tiah do mờ ală lơgar. Anih jơnau đơs Việt Nam gam lơh ngan lam lơh tam gơl sồ sră ƀău jat tàm 3 bơta tờm là: tơngume sồ, pờ tơlik sồ mờ cau iăt cau sền sồ, sền do là broă lơh cèng bơta tam gơl pràn, geh gơtha lơh nền tus bơta gam sùm mờ bơtàu tơnguh bơh ală anih lơh ƀău đơs bal mờ Anih jơnau đơs Việt Nam đơs is tàm tŭ tơngai pa.