Tơnơ̆ mờ 3 nam lơh jăt broă lơh broă bal mblàng jơnau, Anih jơnau đơs Việt Nam neh bơyai lơh rơlao 3 rơbô jơnau yal tơngit, jơnau cih, jơnau lùp, anih pờ tơlik jơnau đơs tơn bè ală gah broă lơh sa, bơta chài rơgơi, mpồl bơtiàn, bơta lơngăp lơngai-sền gàr dà lơgar tàm càr Dăk Lăk. Mờ neh lơh geh mờ pờ tơlik jơnau đơs 1 rơbo   816 jơnau đơs gah dà kòn cau, tàm hơ̆ geh: 908 jơnau đơs dà kòn cau Rơđê mờ 908 jơnau đơs dà kòn cau Mnông, do là bàr dà kòn cau kis tàm càr Dăk Lăk dê.

Đơs tàm pơrjum, Kwang geh jơng tàm Mpồl Đảng Dà lơgar, Kwang atbồ dờng Anih jơnau đơs Việt Nam ồng Đỗ Tiến Sỹ đơs tờm, Anih jơnau đơs Việt Nam neh mờ sùm lơh broă bal mờ càr Dăk Lăk tàm broă lơh pràn rơlao tai broă yal tơngit, blàng jơnau. Tàm hơ̆ geh sền kwơ ngan tàm broă lơh jăt ală gùng dà broă lơh geh bơta krơi is tàm tiah Tây Nguyên mờ càr Dăk Lăk dê. Ƀí thư Tỉñ ủy càr Dăk Lăk kung hòi jà, tàm tơngai tus, Anih jơnau đơs Việt Nam pơn jăt tai lơh geh uă rơlao tai ală tơngu lơh broă bal yal tơngih, mblàng jơnau.