Khà jờng sră ƀău càr Dăk Lăk dơ̆ do geh mờr 90 jơnau sră ƀău gơ wèt 5 bơta ƀău geh ƀău lip, điện tử, pờ tơlik jơnau đơs, sơñio rùp mờ rùp sră ƀău bơh ală cau cih ƀău, mpồl cih ƀău dê pơyua tus bal pơrlòng. Jat Mpồl bơyai lơh yal, ală jơnau sră ƀău tus bal pơrlòng khà jờng dơ̆ do neh đơs tơl làm, song dơpă, niam ngan mờ bơta wèt sền uă gah bè ngan ngồn rài kis tàm càr. Đơs bè bơta tam klac bal sơrlèt gan kal ke, brồ guh bơh uă cau dồ nă să, mpồl kwang bàng, đảng viên dê nàng kờñ bơtàu tơnguh lơh sa, mpồl bơtiàn, sền gàr kơ̆ lơngăp lơngai, rơndap tap sèng, gàr kơ̆ rài kis tàm tơl ƀòn làng bol ơm kis. Uă jơnau sră ƀău cèng bơta git gŏ, lơh kah rơngal, đơs lài; ai tơnggŏ bơta niam chài, mblàng wơl bơta kờñ gơboh, lơh gơlik bơta gơ rề, lam lơh uă ală cau pơn rơ gơguh jak tàm lơh broă, lơh sa mờ ală gah bơh rài kis mpồl bơtiàn dê.