VOV4.K’ho - Drim òr (18/01), tàm Hà Nội, Anih yal tơngit điện tử Cíñ phủ, Ƀăo Điện tử Cíñ phủ bơyai lơh ai ngui broă lơh pa, lơh broă anih sền sơwì tơrgùm bal. Phó Thủ tướng ồng Vũ Đức Đam tus pơrjum mờ geh jơnau đơng lam tàm pơrjum.

16 nam do neh rơlao bơh ngai 10 nhai 01 nam 2006, tŭ Thủ tướng ồng Phan Văn Khải ai ngui broă lơh tơrgùm bal tàm internet gùt plai ù Anih yal tơngih điện tử Cíñ phủ (lài do là Website Cíñ phủ), neh gơs anih yal tơngit sùm, lơh broă sùm ai, dờp jơnau tơngit, dữ liệu tờm, di pal bơh Cíñ phủ tàm internet; drơng broă geh cồng nha broă đơng lam, lam sồr bơh Cíñ phủ, Thủ tướng Cíñ phủ. Pah nam, Anih yal tơngit Điện tử Cíñ phủ lơh gơs rơlao 30 rơbô jơnau tơngit, jơnau yal, pang rùp, video clip, rơlao 400 jơnau yal sră ƀăo mpồl bơtiàn, tơrgùm rơlao 2 rơbô pang sră adăt boh lam mờ sră nggal đơng lam bơh Cíñ phủ, Thủ tướng Cíñ phủ, lơh gơs di pơgăp 1 rơbô 200 sồ Kông ƀăo...

Cau mblàng Ndong Brawl