Tiah tềl lời wơl kah yau Dà lơgar kwơ màng Tiah lơngăp lơngai Định Hoá, tiah Củ tịc Hồ Chí Minh bal mờ Đảng Dà lơgar, Cíñ phủ ơm mờ lơh broă, đơng lam dơ̆ tam lơh mờ bol sò tơm lơgar Tây sơgràm phà.

Tàm nùs nhơm ki ngàm duh rngòt Atbồ ing Củ tịc lơgar mò Võ Thị Ánh Xuân mờ ală kwang bàng tàm Mpồl neh kun bồ chu ñàng, pơdơng bơkào, chu jrềng kah ưn ngài mờ tơngŏ nùs nhơm gĭt ưn ngài uă ngan bơh jơh gùt Đảng, gùt làng bol dê gơwèt mờ dà kơl jề dờng bè trồ tiah, ơnàng bè dà lềng bơh Củ tịc Hồ Chí Minh dê. Mpồl hơ pơn jat tai bơsram mờ lơh jat bồ tơngoh, nùs nhơm, rài kis mờ broă lơh bơh Wa Hồ dê: tryang tryồng, tềm pềr, song dơ pă, jơh nùs lơh broă, jơh nùs drơng broă Dà lơgar, drơng broă làng bol. Di dơ̆ do, Atbồ ing Củ tịc lơgar mò Võ Thị Ánh Xuân neh pà phan ai 50 nă cau geh màng mờ Dà lơgar mờ 200 nă kơnòm dềt geh rài kis kal ke tàm kơnhoàl Định Hóa in.