Tơnơ̆ tŭ iăt kwang đơng lam bồ Ủy ƀan Ñân zân kơnhoàl Dương Minh Châu yal dồ êt broă lơh sền gàr rài kis mpồl bơtiàn tàm ù tiah kơnhoàl dê tàm tơngai lài, Ătbồ ing Củ tịc lơgar mò Võ Thị Ánh Xuân đơs nền Tây Ninh là càr geh ù tiah dờng màng, kwơmàng bè lơh sa- mpồl bơtiàn mờ sền gàr dà lơgar, lơngăp lơngai. Ătbồ ing Củ tịc lơgar mò Võ Thị Ánh Xuân sồr, tàm tơngai tus, càr Tây Ninh ngui niam jơh ală bơta pràn, bơta ƀươn bè lơh sa mờ măy mok, lơh broă sa sươn sre măy mok pa, lòt nhơl sơlơ lơh broă bal tai bal mờ ală càr tàm tiah do, lơh geh bơnàng jă tam gơl pràn tàm tơngai tus.

Di tàm dơ̆ do, Ătbồ ing Củ tịc lơgar mò Võ Thị Ánh Xuân neh jàu pà 200 tơlak đong ai Kes priă Sền gàr dong kờl kơnòm dềt càr Tây Ninh in; jàu 20 bơnah phan pà ai ală hìu bơnhă geh sră dà lơgar dong kờl, 15 bơnah phan pà ai ală hìu bơnhă geh rài kis kal ke mờ 20 bơnah phan pà ai kơnòm dềt geh rài kis kal ke tàm ù tiah kơnhoàl Dương Minh Châu in.