Mpồl lơh broă neh tus còp, pà phan cau ling yau ồng Nguyễn Hữu Chấp, deh nam 1931, ơm tàm sơnah ƀòn Him Lam mờ cau ling yau ồng Nguyễn Viết Điểm, deh nam 1930, ơm tàm sơnah ƀòn Thanh Bình, ƀòn dờng Điện Biên Phủ in.

Tàm do, Atbồ ing Củ tịc lơgar mò Võ Thị Ánh Xuân neh jơh nùs lùp còp pràn kơl dang să jan, rài kis bơh ală cau ling yau Điện Biên dê; tơngŏ bơta sền dờng màng, nùs nhơm gĭt ưn ngài gơwèt mờ dà kơl hề tă pơgồp, bơta phi să dờng màng bơh ală cau ling Điện Biên dê tàm rài tam lơh mờ bol sò tơm lơgar Tây dê, pơgồp bơnah bal mờ ling klàng mờ làng bol lơh geh tam lơh pha lin kah yau. Ala mat mpồl lơh broă, Atbồ ing Củ tịc lơgar neh gờm chờ ală cau ling Điện Biên geh uă pràn kơl dang să jan, là tiah kơl dìng nùs nhơm nàng oh kòn, kòn sau in jat bal, pơn jat tai tàm pơdờn bơhiàn bèp ồng; mơkung đòm jat niam bơhiàn niam bơnĕ “Cau ling Wa Hồ dê”; gàr sùm nùs nhơm “Cau ling Điện Biên” nam lài do, pơn jat tai tă pơgồp bồ tơngoh, dà kơl hề tàm broă bơt bơtàu ƀòn lơgar ngai sơlơ pas niam, niam jak.