Gờm chờ ồng Đại sứ neh lơh sir jak ngan kơnòl broă lơh broă tàm lơgar Việt Nam, Atbồ ing Củ tịc lơgar mò Võ Thị Ánh Xuân jờng rơ uă ngan gơnoar mờ gơnoar broă bơh lơgar Algeria tàm câu Phi mờ tàm dunia dê. Pin dờn là, lơgar Algeria rơ̆p pơn jat tai ai geh uă cồng nha dờng màng rlau tai tàm broă lơh bơt bơtàu mờ bơtàu tơnguh Dà lơgar.

Atbồ ing Củ tịc lơgar pà gĭt, bơta ƀuơn, bơta pràn lơh broă bal lơh sa, kă bro đah 2 lơgar gam dờng ngan, tàm hơ̆ geh gah năng lượng mờ lơh sa suơn sre. Atbồ ing Củ tịc lơgar kơ̆p kờñ tàm khat dùl gơnoar broă lơi, Đại sứ rơ̆p pơn jat tai lời ai ală nùs nhơm niam bơnĕ ai lơgar Việt Nam in, pơgồp bơnah lơh rbàng tàm tơrbŏ bal sơlơ tơnguh bơta gĭt gơ̆p lơh broă bal đah 2 gah mờ tìp mat lơh kwèng làng bol đah 2 lơgar dê.