Hìu bơsram Đại họk Thái Nguyên tŭ do geh rlau 70 rbô nă cau bơsram, cau bơsram dờng, tàm hơ̆ geh mờr 1 rbô nă kơnòm bơsram lơgar ndai; mờ mpồl pơgru geh 2 rbô 500 nă. Đại họk Thái Nguyên tŭ do neh ai gŏ mat sơnđan, bơngă pin dờn uă bơh dùl hìu bơsram đại họk dờng kuơmàng dà lơgar, bơtàu tơnguh tơl làm jơh bal bè bơta dờng, gah broă bơto bơsram mờ bơta niam bơto bơtê. Atbồ ing Củ tịc lơgar sồr Đại họk Thái Nguyên pal pơn jat tai pơlam mờ lam lơh jat niam ală jơnau lơh nền, broă lơh dong kờl bơh Đảng, dà lơgar dê bè tam gơl pa kuơmàng, tơl làm bơto bơtê mờ bơsram, bè bơtàu tơnguh ù tiah do; mờ kung pal ngac ngar, bơceh pa, geh broă rơndap lơh rơcang lài, geh broă lơh dipal. Ƀộ Giáo zụk mờ Đào tạo, ală mpồl, ƀộ, gah broă lơh dà lơgar, càr Thái Nguyên mờ ală càr tàm tiah do pơn jat tai sền gròi, lơh gơlik bơta niam mờ lời ai priă jền dong kờl niam nga rlau jơh nàng Đại họk Thái Nguyên bơtàu tơnguh jat di gùng dà neh ai tơlik.