VOV4.K’ho- Ngai 06/6, tàm hìu lơh broă Đảng dà lơgar, Ƀan Cấp hàñ Đảng dà lơgar khóa 13 neh pơrjum nisơna nàng sền sơ wì, lơh glài ồng Chu Ngọc Anh, Ủy viên Đảng dà lơgar, Phó Ƀí thư Thàñ ủy, Ƀí thư Mpồl kwang bàng duh broă Đảng, Củ tịc Ủy ƀan Ñân zân ƀòn dờng Hà Nội, lài do là Ƀí thư Mpồl kwang bàng duh broă Đảng, Ƀộ trưởng Ƀộ Khoa họk mờ Kông nghệ mờ ồng Nguyễn Thanh Long, Ủy viên Đảng dà lơgar, Ƀí thư Mpồl kwang bàng duh broă Đảng, Ƀộ trưởng Ƀộ Y tế.

Tơnơ̆ tŭ sền sơ wì jơnau sồr bơh Ƀộ Cíñ trị dê, jat tàm tơngume, bơta lơh tìs, khà jơnau gơ lời wơl, jơnau bơh tài lơh tìs; jat jơnau cih bơh Đảng dê bè lơh glài đảng viên lơh tìs, Ƀan Cấp hàñ Đảng dà lơgar lơh nền lơh glài tơlik bơdìh Đảng ồng Chu Ngọc Anh mờ ồng Nguyễn Thanh Long. Sồr ală anih lơh broă geh gơnoar mhar sền sơ wì, lơh glài bè hàñ cíñ jat di jơnau sồr gơ wèt tus mờ cau neh gơtìp lơh glài Đảng.

Cau mblàng K’Duẩn