VOV4.K’ho- Drim ngai 15/7, Ƀan Tuyên giáo dà lơgar bơyai lơh pơrjum sền wơl broă lơh 6 nhai bồ nam mờ lam lơh kơnòl broă 6 nhai lồi nam. 6 nhai do, Ƀan Tuyên giáo dà lơgar neh jơh nùs lam lơh 20 rơndap broă, sền wơl, tơn jơh ală nghị quyết, jơnau sồr, jơnau pơn dut bơh Đảng dà lơgar dê; ai tơlik 6 rơndap broă jơnau yal Ƀộ Cíñ trị, Ƀan Ƀí thư; ai tơlik jơnau đơs Ƀộ Cíñ trị, Ƀan Ƀí thư in mờ bơyai lơh tơn geh cồng nha ală pơrjum kơlôi sơnơng, bơsram, pơlam lơh jat ală nghị quyết, jơnau sồr, jơnau pơn dut bơh Đảng dà lơgar khóa 13 dê. Mờ kung đơng lam, pơlam jơh gùt gah Tuyên giáo sơlơ tơnguh rlau tai broă lơh bơt bơtàu Đảng bè cíñ trị, nùs nhơm.

Pơrjum đal git tàm tơngai tus, Ƀan Tuyên giáo dà lơgar tơrgùm bơt bơtàu ală Rơndap broă jơnau yal tơngume, sền wơl, tơn jơh ală nghị quyết, jơnau sồr, jơnau pơn dut, kơrnuat, jơnau sồr yal Ƀan Cấp hàñ Đảng dà lơgar, Ƀộ Cíñ trị, Ƀan Ƀí thư in, gàr niam bơta niam mờ tŭ tơngai lam lơh.

Cau mblàng K’Duẩn