Tàm dơ̆ pơrjum, 2 gah neh yal bal mờ gơ̆p bè bơta pơn rơ ngan bơh tơl đảng, tơl lơgar dê, bè ală bơta tờm broă lơh dờng bơh 2 đảng dê tàm tơngai pa do; sền wơl bơta gĭt gơ̆p lơh broă bal, gùng dà broă lơh, broă rơndăp lơh bal mờ ală bơta tờm broă lơh tờm tàm bơta gĭt gơ̆p đah 2 đảng dê.

Bàr gah ring bal lơh jat niam rlau tai gơnoar broă tàm broă lơh lùp lăp bal, sồr lơh ngan broă lam lơh ală jơnau ring bal kwang bàng kấp dờng đah Kwang đơng lam bồ 2 đảng mờ 2 Dà lơgar dê; ring bal pơn jat tai pơgồp bal sồr lơh ngan tă bơsong ală bơta kòl yan nàng sơlơ tơnguh rlau tai lơh broă bal tàm gah kă bro, lơh sa, bơcri priă đah 2 lơgar dê; lơh geh ală bơta ai mpồl lơh sa kă bro 2 lơgar in lơh broă ngai sơlơ geh cồng nha, ngan là tàm gah lơh sa suơn sre. Ồng Lê Hoài Trung đơs sùm, Đảng, Dà lơgar mờ làng bol Việt Nam sùm kờñ broă lơh kăc màng di ngan bơh đảng, Dà lơgar mờ làng bol Cuba oh mi dê.