Đơs tàm dơ̆ wă, Kwang atbồ càr lơgar Vientiane ồng Athsaphangthong Siphandone tơngŏ bơta niam ngan mờ bơta pràn bơtàu tơnguh pràn kơl dang bơh càr lơgar Hà Nội dê bè tơl ală bơta tàm tơngai pa do. Mơkung đơs dùl ết bè bơta bơtàu tơnguh càr lơgar Vientiane dê, Kwang atbồ càr lơgar Vientiane pà gĭt, lơh sa ƀòn dờng dê lơh geh gơguh lơh sa kờp bal 4,3%, mờ priă lơh geh kờp bal tơl nă cau pơgap rlau 5 rơbô 500 dolar Mỹ dùl nam.  Mìng tàm 9 nhai nam do, Vientiane neh lơh sir jơnau kờñ priă dia, wèt tus khà sơr lèt pơgap 20% tàm nam do.

Ƀí thư Thàñ ủy Hà Nội ồng Đinh Tiến Dũng sồr càr lơgar Vientiane kờp sền broă lơh jat jơnau cih jơnau ring bal lơh broă bal đah 2 càr lơgar dê tàm tơngai pa do, mơkung sồr ngan ală quận, kơnhoàl pơn jat tai lam lơh lơh broă bal pràn kơl dang mờ geh cồng nha rlau tai. Mơkung đơs sùm, bơta gĭt gơ̆p lơh broă bal đah Hà Nội mờ Vientiane pal pơnđơl pràn lơh ngan gơ gơs broă lơh lam lài tàm bơta gĭt gơ̆p đah ală tiah lơgar Việt Nam mờ Lào dê, tă pơgồp geh ngan tàm bơta gĭt gơ̆p đah 2 Đảng, 2 lơgar dê.