Jat kơrnoat, Ƀan Thường vụ Tỉñ ủy Kon Tum ntrờn, tam pà broă mờ tơn pồ ồng Xiêng Thanh Phúc, Tỉñ ủy viên, Ƀí thư Tỉñ đoàn Kon Tum at gơnoar broă Chánh Văn phòng Tỉñ ủy. Ồng Xiêng Thanh Phúc, kòn cau Jeh- Triêng, deh nam 1983 tàm xã Đăk Nông, kơnhoàl Ngọc Hồi, càr Kon Tum. Ồng Xiêng Thanh Phúc tus bal lơh broă Đoàn bơh nam 2008 mờ bơsram jơh Thạc sĩ gah broă atbồ dà lơgar. Bơh nam 2016 tus tŭ do lơh Ƀí thư Tỉñ đoàn Kon Tum.

Đơs tàm dơ̆ dờp kơnòl broă Chánh Văn phòng Tỉñ ủy Kon Tum, ồng Xiêng Thanh Phúc tơngŏ bơta ưn ngài mờ pin dờn bơh Ƀan Thường vụ Tỉñ ủy Kon Tum dê mờ hơ̆ rơ̆p sùm bơsram, bơsram tàp nàng lơh sir niam ngan kơnòl broă geh jàu. Lài hơ̆ tàm ngai 30/03, Ƀan Thường vụ Tỉñ ủy Kon Tum neh bơyai lơh Dơ̆ yal mờ jàu Kơrnoat ntrờn, tam pà broă mờ sồr ồng Thái Văn Tưởng, Tỉñ ủy viên, Chánh Văn phòng Tỉñ ủy at gơnoar broă  Ƀí thư Huyện ủy Đăk Glei.