VOV4.K’ho - Di satềp nam pa Ñâm Zần nam 2022, drim òr (26/01), Mpồl kwang bàng lơh broă bơh Tỉñ ủy, HĐÑZ, UɃÑZ, UɃMT Dà lơgar Việt Nam càr Dăk Lăk geh ồng Nguyễn Đình Trung, Ƀí thư Tỉñ ủy lam bồ neh tus còp, chờ gờm satềp mờ pà phan ală mpồl ling gơwèt Mpồl đơng lam ling klàng càr, Viện Vệ sinh dịch tễ Tây Nguyên mờ Hìu sơnơm ing sồ 1.

                          Còp, lam sồr cau ling tàm mpồl đơng lam ling klàng càr Dăk Lăk

                                                        Pà phan hìu sơnơm ing sồ 1 in

Tàm ală anih tus, Mpồl kwang bàng lơh boă neh iăt kwang đơng lam ală mpồl ling yal ing bè cồng nha lơh broă bơh tơl mpồl dê tàm nam 2021 kung bè ală gùng dà broă lơh, kơnòl broă lơh tàm nam 2022, tàm hơ̆ uă ngan là rơndăp broă gàr niam bơta lơngăp lơngai dà lơgar, broă sơm kòp cau kòp Kovid-19 mờ sền gàr bơta pràn kơl dang să jan ai làng bol in chờ wă rò nam pa satềp nam 2022. Ƀí thư Tỉñ ủy ồng Nguyễn Đình Trung pơyoa jơnau chờ gờm nam pa 2022 lơngăp lơngai, pràn kơl dang, gơboh gơbài tus mờ kwang bàng, cau ling, mpồl y, bák sĩ, cau lơh sơnơm ală mpồl ling mờ kơ̆p kờñ là, tàm tơngai tus, kwang bàng, cau ling, mpồl y bák sĩ ală mpồl lơh broă pơn jăt tai tơnguh ală cồng nha neh lơh geh, lơh gơs niam kơnòl geh jào.

Cau mblàng Ndong Brawl