VOV4.K’ho- Ngai 24/4, Mpồl lơh broă bơh Thường trưk Tỉñ ủy Dăk Lăk bơh ồng Nguyễn Đình Trung, Ủy viên Đảng Dà lơgar, Ƀí thư Tỉñ ủy lam bồ neh lòt sền tiah gơbàn koh kơl brê mờ đơng lam broă lơh lùp khàu, bơsong dơ̆ koh kơl brê dờng ngan mờr 400 lồ làm xã Ya Tờ Mốt, kơnhoàl Ea Súp. Tàm tiah do, kwang đơng lam bồ càr Dăk Lăk neh iăt, kơno mpồl lơh broă geh gơnoar yal bơta koh kơl brê. Bal mờ hơ̆, mpồl lơh broă kung lùp còp, pà phan pơndờm pơnđiang ală kwang bàng, cau ling, kwang àng mờ mpồl lơh broă ndai gam lơh kơnòl broă.

Ƀí thư Tỉñ uỷ Dăk Lăk lòt sền, đơng lam broă lơh lùp khàu dơ̆ koh kơl brê mờr 400 lồ

Ồng Nguyễn Đình Trung sồr mpồl lơh broă geh gơnoar mhar  lơh sir broă lơh sền tiah gơbàn koh kơl nàng sơr băc mhar lơh ală broă yă pơn jat tai. Mơkung pal lơh loh kơnòl, lơh glài kràñ ală cau dùl nă să is, mpồl cau geh gơrềng.

Cau mblàng K’ Hạnh