Lài hơ̆, drim ngai 11/6, Đảng ủy Kwang àng dà lơgar pơgồp bal mờ Cơldŭ lơh broă Đảng mờ Mpồl rơndap broă Dà lơgar bơyai lơh yal Jơnau lơh nền bơh Ƀộ Cíñ trị dê sồr Thượng tướng ồng Lương Tam Quang, Kwang geh jơng tàm Đảng dà lơgar, Ƀộ trưởng Ƀộ Kwang àng at gơnoar broă Ƀí thư Đảng ủy Kwang àng dà lơgar, tơngai lơh broă bơh nam 2020 tus nam 2025. 

Đơs dờp kơnòl broă, Ƀộ trưởng ồng Lương Tam Quang jơh nùs ưn ngài bơta cih dờp, pin dờn, jàu kơnòl bơh Đảng dê, mờ tàm hơ̆ là Ƀộ Cíñ trị, Ƀan Ƀí thư, Tổng Ƀí thư ồng Nguyễn Phú Trọng gơ wèt mờ să tờm ồng. Ƀộ trưởng ồng Lương Tam Quang hơ pơrgon tàm gơnoar broă pa rơp tam klac bal, ring bal, bal mờ mpồl Đảng ủy Kwang àng dà lơgar pơn jat tai tàm pơ dơn, đòm jat bơhiàn pơniờ să, lơh jat jơh nùs, geh cồng nha gơnoar broă, kơnòl broă geh jàu. Gàr sùm lơh jat jơh nùs Gùng dà Cíñ trị, Jơnau pal jat Đảng dê, ngan là jơnau pal jat tơrgùm làng bol lơh tờm; tơnguh kơnòl lơh krơh lài, đòm jat nùs nhơm khin sơnơng, khin lơh, khin kong kơnòl; jơh nùs, jơh pràn tài broă lơh bal.