Tơnơ̆ tŭ iăt ala mat kwang đơng lam bồ Mpồl Lơh sa Dà lơgar yal, tă pơgồp jơnau đơs bơh ală anih lơh broă dê, Ƀộ Cíñ trị neh cribơyai mờ sền bal là dồ nùs bal bè ală gùng dà broă lơh, nùs nhơm, pơlam gùng dà kwơ màng. Đơs pơndŭt pơrjum, Tổng Ƀí thư, Củ tịc lơgar ồng Tô Lâm đơs sùm ƀòn dờng pơn jat tai kơlôi sơnơng, bơsram lơh jat, lam lơh jat, kơlôi sơnơng ai lơh jat ală gùng dà broă lơh, broă dong kờl krơi is uă ngan cèng bơta bơtàu tơnguh mhar di pal mờ bơta geh ngan bơtàu tơnguh bơh ƀòn dờng Hải Phòng dê di gùng dà pơlam tus nam 2030, broă rơndăp lơh tus nam 2045.

Kung tàm drim ngai 13/09, Ƀộ Cíñ trị pơrjum tă pơgồp jơnau đơs bè Jơnau neh lơh nền tơlik mat ƀòn dờng Huế gơwèt Dà lơgar. Tổng Ƀí thư, Củ tịc lơgar ồng Tô Lâm tơngkah, broă tơlik mat ƀòn dờng Huế gơwèt Dà lơgar tơngŏ loh làng nùs nhơm kơ̆p kờñ, bơta dồ nùs bal bơh ală rơnàng làng bol dê; lơh geh bơta gơn kơnờm nàng Thừa Thiên- Huế in pơn jat tai ngui niam bơhiàn yau kăc màng pơn rơ ngan, prap gàr, ngui niam bơta kwơ phan lời wơl càr lơgar yau mờ bơhiàn niam chài niam bơnĕ ngan Huế dê, bơt bơtàu ƀòn dờng Huế là anih tờm bơh tiah tàm gùl lơgar, drờm pal mờ bơta kơ̆p kờñ bơh Đảng Dà lơgar, Ƀộ Cíñ trị mờ làng bol jơh gùt lơgar dê.