Jơnau yal sră ƀăo bal pà gĭt, pơrjum dơ̆ 12 Anih duh broă Lơh broă bal Việt Nam mờ Nhờk neh geh bơyai lơh tàm Tokyo, lơgar Nhờk, tàm ngai 07 nhai 08 nam 2024. Bàr gah jờng rơ broă sơnđờm lơh wơl tai Anih duh broă Lơh broă bal Việt Nam mờ Nhờk tơnơ̆ 5 nam ơm ing tài bơh kòp dờng Kovid-19.

Do là pơrjum sơn rờp geh bơyai lơh tơnơ̆ tŭ 2 lơgar tơnguh gơnoar broă bơta gĭt gơ̆p tus Lơh broă bal kwơ màng tơl làm tài ring lơngai mờ pas gơs tàm câu Á mờ tàm dunia, tơngŏ nùs nhơm jơh nùs ngan bơh Kwang đơng lam bồ Cíñ phủ, ală ƀộ, gah broă 2 lơgar tàm broă sơlơ tơnguh tai bơta gĭt gơ̆p lơh bơyô bal lơh broă bal Việt Nam mờ Nhờk bơtàu tơnguh pràn kơl dang, mut lơh broă ngan ngồn, tơl làm jơh bal bè broă mờ bơta niam, drờm pal mờ gơnoar broă bơh bơta gĭt gơ̆p pa dê.