Do là gùng lòt kwơ màng, tàm tơrbŏ bal tiah Tây Nguyên mờ tiah đah Jum mat tơngai lik Dà lơgar, tiah đah Jum mat tơngai mut Dà lơgar mờ ƀòn dờng Hồ Chí Minh geh bơta jòng pơgap 128,8 kơi sồ, khà priă bơcri lơh pơgap 25 rơbô 540 tơmàn đong.

Bè jơnau kờñ bơcri priă lơh, Ƀộ trưởng Ƀộ Giao thông Vận tải ồng Nguyễn Văn Thắng đơs là, rơndăp broă lơh dong lơh geh gơl gùng rơndeh lòt mhar tờm ngan tàm tơrbŏ bal tiah Tây Nguyên mờ tiah đah Jum mat tơngai lik Dà lơgar, tàm tơrbŏ bal ƀòn dờng Hồ Chí  Minh mờ ală càr Bình Phước, Dăk Nông, Dăk Lăk, Gia Lai mờ ală tiah ndai tàm tiah do dê, lơh geh ù tiah bơtàu tơnguh pa. Mơkung ngui bơta ƀuơn, bơta pràn ngui ù, bơtàu tơnguh lòt nhơl, lơh sa mờ măi mok lơh gơlik phan, lơh sa mờ măi mok tơn nhào phan tàm ù tiah.... hời rơ hời rơndăp tăp sèng wơl lơh sa tiah Tây Nguyên dê; pơgồp bơnah lơh jat geh cồng nha ală jơnau kờñ, kơnòl broă bơtàu tơnguh lơh sa- mpồl bơtiàn, gàr niam sền gàr Dà lơgar, bơta lơngăp lơngai tiah Tây Nguyên, tiah đah Jum mat tơngai lik Dà lơgar mờ Dà lơgar jat Nghị quyết Pơrjum dờng kwang bàng ala mat gùt lơgar dơ̆ XIII bơh Đảng, ală Nghị quyết bơh Ƀộ Cíñ trị dê neh ring bal.