Di tàm tŭ 8 jơ ngai òr (18/07), Ƀộ Giáo zụk mờ Đào tạo neh mùl màl yal điểm pơrlòng jơh bơsram kấp pe nam 2023 bơh rơlao 1 tơlăk nă cau tus bal pơrlòng in. Ală pang web sền điểm pơrlòng lơh broă niam.

Nam do, Ƀộ Giáo zụk mờ Đào tạo ai kơrnoăt Ƀộ bal mờ ală Sở Giáo zụk mờ Đào tạo, ờ uă pang ƀăo điện tử geh yal điểm pơrlòng bơh Ƀộ Giáo zụk mờ Đào tạo, môn Giáo zụk kông zân geh điểm bè ờs uă ngan, là 8,29 điểm, tàm hơ̆, điểm geh uă cau pơrlòng geh uă ngan 9 điểm. Môn pơrlòng do kung geh khà cau pơrlòng geh điểm 10 uă ngan. Môn pơrlòng geh điểm pơrlòng bè ờs uă dơ̆ bàr bơh dơ̆ pơrlòng do là Ngữ văn, mơya mìng geh 1 nă cau pơrlòng geh điểm 10. Ală môn Toán, Vật Lý, Hoá họk, Siñ họk, Lịc sử, Địa lý ndrờm geh điểm bè ờs tàm khà bơh 6,03 tus 6,74 điểm, mơya di lah pơn drờm mờ nam lài, khà điểm bè ờs mờ khà jơnau pơrlòng geh điểm 10 gơmù. Môn dà Mỹ geh điểm bè ờs ờ uă ngan tàm ală môn pơrlòng mờ 5,45 điểm. geh 494 nă cau pơrlòng geh điểm 10 tàm môn pơrlòng do.