VOV4.K’ho- Yal lài jơnau ai lơh pơnyơu gơguh GDP kal ke ngan, ngan là tàm qúy 4, tŭ bơta gơbàn tàm dunia kal ke. Tềng đăp bơta do, Ƀộ Kế hoạc mờ Đầu tư kung geh bàr jơnau ai lơh pơnyơu: Dilah gơguh lơyah tài bơh tìp uă kal ke den tàm nam 2022, gơguh GDP digơlan pơgăp 7,5%. Ai dilah tàm tŭ jơh ală bơta gơbàn bè tŭ do, ờ geh bơta tam gơl ờ kwơ gơwèt mờ rài lơh sa lơgar he bơh đah bơdìh den yal lài GDP gơguh pơgăp 8%.

Bè bơta gơn kơnờm lơh sa Việt Nam nam 2023, Ƀộ Kế hoạc mờ Đầu tư đơs, jơnau gơlik geh digơlan kung gam geh kal ke sơl, bơta ƀươn mờ kal ke gơ tàm bơrlŭ bal mơya kal ke uă rlau. Broă gơmù giă priă mờ gơguh lơh sa dunia nam 2023 kal ke ngan gơtùi gĭt lài, Việt Nam kờñ pal geh ală broă lơh gròi sền niam den gơguh kơ̆ kơl jăp, dilah ờ gròi sền niam den kal ke ngan yal lài kal ke ngan.

Đơs bè bơta geh ngan ai priă bơcri dà lơgar dê, Thứ trưởng Ƀộ Kế hoạc mờ Đầu tư pà gĭt, geh 46,7% pơndrờm mờ broă rơndăp lơh Thủ tướng dê jàu. Bulah gơ lơyah rlau pơndrờm bal dùl tŭ mờ nam lài mơya khà ngan ngồn den gơ jơnhoa rlau mờ nam lài mờr 35 rbô tơmàn đong. Jơnau tờm lơh gơbàn bơta do là tài bơh kờp jơh khà priă bơcri dà lơgar dê nam 2022 uă rlau mờ nam 2021.

Cau cih VOV Tây Nguyên- Cau mblàng Lơ Mu K’Yến