VOV4.K’ho- Ngai do, 05/05, Kụk hòi jà kă bro pơgồp bal mờ ală Thương vụ Việt Nam tàm ASEAN bơyai lơh dơ̆ bơto pơlam tăc phan bơna kòi, phe tus drà kă bro ASEAN. Broă lơh geh bơyai lơh tơn tàm An Giang pơgồp bal mờ pờ tơlik tàm internet tàm bơnàng jă Zoom mờ yal tơngĭt tàm fanpage Facebook Kụk hòi jà kă bro, Ƀộ Kông thương. Tàm dơ̆ bơto pơlam geh lời tŭ jiơ nàng bơto pơlam tơn ală broă geh ngan bơh ală mpồl lơh sa kă bro geh gơrềng tus broă tăc phan bơna kòi, phe tus ală lơgar ASEAN dê.

Bơdìh mờ lơgar Philippines, phe Việt Nam gam geh tăc tus ală drà kwơ màng ndai tàm ASEAN bè Malaysia, Singapore, Indonesia, Brunei. Rơndap tap sèng phe tăc mờ lơgar ndai bơh Việt Nam dê gam pơn jat tai tam gơl jat broă lơh tơnguh ală bơta phe bô thồm, phe- bơkah pơn rơ, phe japonica, phe kò kwơ màng mờ giá tăc jơnhoa rlau. Jơnau kờñ tăc phe mờ lơgar ndai bơh gùt lơgar dê kung neh geh tam gơl, tus nam 2030, kờp dŭ mìng gam pơgap 4 tơlak tấn.

Cau mblàng K’ Hạnh