Jăt ală kwang bàng đơs, tàm tŭ tơngai bơh kăc màng 4.0 dê mờ tam gơl sồ dê, kờñ pal bơ̆t bơtàu dùl anih tờm ơn prăp sră nggal yal tơngĭt jơnau mờ măy mok pa ngan nàng lơh geh jơnau kờn jòi tơrgùm, ơn prăp mờ bơsong sră nggal yal tơngĭt jơnau. Tŭ sră nggal yal tơngĭt jơnau geh lam lơh tàm dùl anih ring bal lơh geh bơta ƀươn ai broă tam pà, bơtòm tơrgùm sră nggal yal tơngĭt jơnau tàm làm gùt lơgar, mơkung tơnguh uă cồng nha, gơtùi lơh ală drơng broă dà lơgar dê. Anih tờm ơn prăp sră nggal yal tơngĭt jơnau mờ măy mok pa ngan pơgồp bơnah ai gơnoar lơh pràn bơta pràn jak bơtòm tơrgùm mờ tam pà sră nggal yal tơngĭt jơnau mờ tơrmù ƀà bơta jơngkah sră nggal yal tơngĭt jơnau. Mơya, kal ke tŭ do là broă tàm tơrbŏ ală anih mìng dùl gah, ală sră nggal yal tơngĭt jơnau mìng dùl gah bơh ală ƀộ, ngàñ gam uă kal ke. Jăt ală kwang bàng đơs, nàng bơsong broă tàm tơrbŏ sră nggal yal tơngĭt jơnau den ală ƀộ, ngàñ kờñ pal ring bal tàm broă jòi tơrgùm, ătbồ, tam pà mờ ngui sră nggal yal tơngĭt jơnau. Mờ Cíñ phủ kờñ pal gờñ lơh mờ ai ngui Anih tờm sră nggal yal tơngĭt jơnau dà lơgar nàng bơsong ală bơta ờ hềt dipal tàm broă tàm tơrbŏ, tam pà sră nggal yal tơngĭt jơnau.