Đại tướng ồng Tô Lâm, Ƀộ trưởng Ƀộ Kwang àng đơng lam pơrjum mờ đơs tàm dơ̆ pơrjum cih dờp, jờng rơ uă ngan ală cồng nha, cồng nha lơh geh mờ mpồl Kwang àng làng bol neh lơh geh tàm tơngai pa do.

Bè kơnòl broă tàm nhai 5 mờ tàm tơngai tus, Ƀộ trưởg ồng Tô Lâm sồr Kwang àng ală mpồl lơh broă, ală tiah tơrgùm lam lơh broă lơh sền gàr lơngăp lơngai, rơndăp tăp sèng ală broă lơh tơngkah kir sơnrai 49 nam Ngai tơngklàs tiah đah Jum, tơrgùm dùl Dà lơgar  (30/4), Ngai Dunia Lơh broă (01/05) mờ ală broă lơh tơngkah kir sơnrai 70 nam tam lơh pha lin Điện Biên Phủ (07/5). Ală mpồl lơh kơnòl broă tơn sền gàr lơngăp lơngai, rơndăp tăp sèng, tus bal ai ling lòt pơdar, lòt pơdar tàm dơ̆ tơngkah kir sơnrai 70 nam tam lơh pha lin Điện Biên Phủ tơnguh uă nùs nhơm geh kơnòl, bơsong tơl bơta kal ke, ngan ngồn ờ gŏ di lời gơlik geh bơta lơh tìs lơi bulah là dùl bơta dềt ngan rlau jơh.