Pơrjum đơs nền, mpồl kwang àng sùm yờ tơngguh nùs nhơm geh kơnòl “Tài làng bol drơng lơh”. Neh geh uă broă tă pơgồp bal tàm broă bơsong jơnau gơlời wơl bơh mìu dà tih dà cò, dong kờl làng bol mờ ală gùng dà broă lơh “dong klàs cau là jơnau kờñ lài uă ngan bơh mpồl kwang àng làng bol dê”.

Mìu càl rơbut dờng sồ 03 bal mờ mìu dờng dà tih dà cò tơnơ̆ mờ mìu càl rơbut dờng neh lơh hoàc huơr uă ngan bè kòn bơnus bal mờ phan bơna gơwèt mờ làng bol ală càr tàm tiah đah Tô, tàm hơ̆ uă ngan là tàm ală càr Lào Cai, Yên Bái, Cao Bằng, Hà Giang...lơh hoàc huơr uă ngan, mờ rơlao 348 nă cau gơtìp chơ̆t, jòi ờ gŏ ƀồc; mờr 2 rơbô nă cau gơtìp sồt să; rơlao 230 rơbô nơm hìu gơtìp tơrlah; hoàc huơr di pơgăp 32 rơbô tơmàn đong. Ngui nùs nhơm “dong kờl bal”, kwang àng ală mpồl lơh broă, ală càr neh rơcang lài tàm boă jòi, dong klàs cau gơtìp rềs àr, tus bal dong kờl làng bol bơsong jơnau gơlời wơl bơh mìu càl rơbut dờng sồ 03 mờ mìu dà tih tơnơ̆ mờ mìu càl rơbut dờng, gàr niam broă lơh broă sa, lơngăp lơngai làng bol, kơ̆ kơl jăp ală bơta.