Tàm quý III, mpồl kwang àng neh lùp khào, jòi gŏ rơlao 10 rơbô dơ̆ tìs bè bơta lơngăp lơngai mpồl bơtiàn, kơrian 23 mpồl cau tìs, lơh glài mờr 20 rơbô nă cau. Mpồl kwang àng neh tơrgùm lơh mhar broă lơh lùp khào ală broă tìs bè lơh sa, sa kuề sa koà geh Mpồl Đơng lam Dà lơgar bè rơcang sơndră mờ sa kuề sa koà, ờ niam sền gròi mờ sồr lơh.

Tàm quý III, gŏ 197 dơ̆ mờ 435 nă cau tìs bè sa kuề sa koà bal mờ gơnoar broă. Mờ Ƀộ Kwang àng kung neh lơh jăt nền nòn ală jơnau đơng lam bơh Cíñ phủ bè broă rơcang sơndră mờ ồs sa bal mờ dong klàs cau gơtìp rềs àr. Ƀộ kung neh đơng lam kwang àng ală anih lơh broă, ală càr, ƀòn dờng tơnguh broă gàr niam lơngăp lơngai broă rơcang sơndră mờ ồs sa bal mờ dong klàs cau gơtìp rềs àr ai “Hìu ơm bal dềt”, hìu ơm ing geh gal cau ơm kis...