VOV4.K’ho- Mho ngai 03/06, Ƀộ Kwang àng bơyai lơh pơrjum sền wơl bơh sơnrờp, sền swì cồng nha lơh jăt bơ̆t bơtàu kwang àng xã, thị trấn cíñ quy. Đơs pơndŭt pơrjum, Ƀộ trưởng Ƀộ Kwang àng ồng Tô Lâm jờng rơ ngan ală cồng nha mờ mpồl kwang àng xã, thị trấn lơh geh tàm tơngai lài. Tàm hơ̆, broă lơh ătbồ dà lơgar bè lơngăp lơngai, rơndăp tăp sèng geh lơh jăt niam rlau, lơh jăt di jăt jơnau sồr bơh kơrnoăt boh lam dê.

Ƀộ trưởng ồng Tô Lâm pà gĭt, tàm tơngai tus, Đảng ủy Kwang àng Dà lơgar geh ai lơh jăt Kơrnoăt bè pơn jăt tai lơh pràn bơ̆t bơtàu Kwang àng xã, thị trấn cíñ quy tàm bơta pa nàng kờñ tơrgùm lơh pràn bơ̆t bơtàu Kwang àng xã, thị trấn Cíñ quy tơl làm; jàu broă, jàu kâp mờ phan bơna, dong broă...tơl pràn bơsong ală broă bè lơngăp lơngai, rơndăp tăp sèng tơn bơh sơnrờp mờ tàm ƀòn lơgar; jơh nùs lơh ngan bơ̆t bơtàu Kwang àng xã, thị trấn bal mờ mpồl Kwang àng làng bol ală kâp ngan ngồn sàng goh, pràn kơldang kơ̆ kơl jăp, cíñ quy, ngac ngar jak chài, pa ngan lơh geh di jơnau sồr mờ kơnòl broă tàm tŭ tơngai pa.

Cau mblàng Lơ Mu K’Yến